,,რა ტრანზაქცია გაკეთდა - დიდი თუ პატარა, ეს არავის საქმე არ არის“

,,რა ტრანზაქცია გაკეთდა - დიდი თუ პატარა, ეს არავის საქმე არ არის“ - ონოფრიშვილი კალაძის განცხადებაზე

პოლიტიკა - 18:33, 15 May, 2015

1707

ვიცე-პრემიერის კახი კალაძის განცხადებას იმის შესახებ, რომ ეროვნული ბანკი ნაკლებად აკონტროლებს კომერციული ბანკების ქმედებას, გამხმაურება მოჰყვა საპარლამენტო უმცირესობის მხრიდან. ფრაქცია თავისუფალი დემოკრატების წერვი დავით ონოფრიშვილის ქმით, ტრანზაქციებზე კონტროლის არუცილებლობა არ არსებობს და ეს შეუძლებელია.

,, რა ტრანზაქცია გაკეთდა - დიდი თუ პატარა, ეს არავის საქმე არ არის. ამაზე კონტროლი პრაქტიკულად შეუძლებელია და არც ამის აუცილებობა არ არის. ცხადია ეროვნულ ბანკში ეს აღირიცხება და ასე მუშაობს მსოფლიოს ყველგან კომერციული და ნაციონალური ბანკები. თუკი ვინმეს ამ ტრანზაქციების გამომზეურება უნდა ეს წარმოუდგენელია მაბავია“ - განაცხადა დავით ონოფრიშვილმა.

კახი კალაძის განცხადებით, მთავრობას დიდი ბანკების მიერ განხორციელებულ ტრანზაქციებზე ინფორმაცია არ აქვთ და ბოლო დროს განვითარებული მოვლენები შესაძლოა, ხელოვნური და პოლიტიკურიც კი იყოს.

„არანაირი ინფორმაცია არ გვაქვს და არ ვიცით, ბოლო თვეების, კვირების განმავლობაში, თუნდაც საქართველოს ბანკის მიერ, „თიბისი“ ბანკის მიერ, რა ტრანზაქციები იქნა განხორციელებული. ამასაც ძალიან დიდი მნიშვნელობა აქვს და ამ ყველაფრის ბერკეტი ნამდვილად აქვს ეროვნული ბანკის პრეზიდენტს და მე შემიძლია გითხრათ, რომ მას ნამდვილად შეუძლია, ჩაერიოს ამ კონკრეტულ პროცესში და დაეხმაროს მთავრობას, ხელისუფლებას“, - განაცხადა კალაძემ.