კალაძის შეთქმულების თეორია - ქადაგიძე ვიცე-პრემიერის განცხადებას ,,მინიმუმ უხერხულს“ უწოდებს

პოლიტიკა - 18:19, 15 May, 2015

1861

კახი კალაძის განცხადებას იმის შესახებ, რომ ეროვნული ბანკი ნაკლებად აკონტროლებს კომერციული ბანკების ქმედებას, გამხმაურება მოჰყვა თავად ეროვნული ბანკის პრეზიდენტის მხრიდან.

გიორგი ქადაგიძე ამბობს, რომ კომუნიკაციისა და ინფორმაციის გაცვლის პრობლემა მას მთავრობასთან არ აქვს.

ქადაგიძემ კალაძის განცხადებას უპასუხა და აღნიშნა, რომ როცა თანამდებობის პირი შეთქმულების თეორიას ავითარებს, უხერხულია, მითუფრო მაშინ, როცა EBRD-ის წარმომადგენელბი, რომლებსაც გარკვეული წილი აქვთ ბანკებსი იმყოფებიან თბილისში.

ქადაგიძემ განაცხადა, რომ მომავალ კვირას საკანონმდებლო ორგანოში ისაუბრებს იმ თემებზე, რაზეც მთავრობას პრეტენზიები გააჩნია.

,,როდესაც ყვითელი პრესა საუბრობს შეთქმულების თეორიებზე, ეს შეიძლება გაიგო, რადგან ყვითელი პრესა ცდილობს, მოიზიდოს სპეციფიკური ტიპის მკითხველი, მაგრამ როდესაც შეთქმულების თეორიას ავითარებენ უმაღლესი პოლიტიკური თანამდებობის პირები, ეს როგორც მინიმუმ, უხერხულია და მეტი არაფერი. განსაკუთრებით უხერხულია, როცა ჩენ ვსაუბრობთ წამყვან ფინანსურ ინსტიტუტებზე, რომლიც აქიონერი, მთავარი კრედიტორი, მრავალი წლის პარტნიორი არის თუნდაც EBRD, რომლის ფორუმზეც დღეს ვიმყოფებით და, რომელი ფორუმიდანაც ჩვენ ვცდილობთ, მაქსიმალური შედეგი მივიღოთ. რამდენად უწყობს ხელს ეს ყველაფერ ამას, განსჯა თქვენთვის მომინდია“ - განაცხადა ეროვნული ბანკის პრეზიდენტმა.

კახი კალაძის განცხადებით, მთავრობას დიდი ბანკების მიერ განხორციელებულ ტრანზაქციებზე ინფორმაცია არ აქვთ და ბოლო დროს განვითარებული მოვლენები შესაძლოა, ხელოვნური და პოლიტიკურიც კი იყოს.

„არანაირი ინფორმაცია არ გვაქვს და არ ვიცით, ბოლო თვეების, კვირების განმავლობაში, თუნდაც საქართველოს ბანკის მიერ, „თიბისი“ ბანკის მიერ, რა ტრანზაქციები იქნა განხორციელებული. ამასაც ძალიან დიდი მნიშვნელობა აქვს და ამ ყველაფრის ბერკეტი ნამდვილად აქვს ეროვნული ბანკის პრეზიდენტს და მე შემიძლია გითხრათ, რომ მას ნამდვილად შეუძლია, ჩაერიოს ამ კონკრეტულ პროცესში და დაეხმაროს მთავრობას, ხელისუფლებას“, - განაცხადა კალაძემ.