ვიცე-პრემიერი გიორგი კვირიკაშვილი სომხეთის ეკონომიკის მინისტრს შეხვდა

პოლიტიკა - 16:24, 15 May, 2015

966

15 მაისს საქართველოს ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი სომხეთის ეკონომიკის მინისტრს კარენ ჩშმარიტიანს შეხვდა, რომელიცსაქართველოში EBRD-ის წლიურ კონფერენციაში მონაწილეობის მისაღებად თბილისში იმყოფება. შეხვედრას ასევე დაესწრნენ საქართველოს ეკონომიკისა და მდგრადი განვითარების მინისტრისმოადგილე მიხეილ ჯანელიძე და სომხეთის ეკონომიკის მინისტრის მოადგილე სერგეი ავეტისიანი, ასევე სხვა ოფიციალური პირები. შეხვედრაზე მხარეებმა საქართველო-სომხეთის საგარეო-ეკონომიკურ საკითხებზე ისაუბრეს.

საქართველოსა და სომხეთს შორის გაფორმებულია 60-მდე საერთაშორისო ხელშეკრულება, მათ შორის, ეკონომიკური ხასიათის შეთანხმებები.

სომხეთის მხრიდან საქართველოში, 2003-2014 წლებში 20.13 მლნ. აშშ დოლარის ინვესტიციაა განხორციელებული. აღსანიშნავია, რომ 2014 წელს, სომხეთიდან განხორციელებული ინვესტიციებისოდენობა, წინა წელთან შედარებით, 139%-ით არის გაზრდილი. სტატისტიკის მონაცემების თანახმად, 2015 წლის 1 იანვრის მდგომარეობით საქართველოში დარეგისტრირებულია 548 საწარმოსომხეთის კაპიტალის მონაწილეობით.

სომხეთის ტურისტული ბაზარი საქართველოსათვის ერთ-ერთ მზარდ ბაზარს წარმოადგენს. სომხეთიდან საქართველოში ჩამოსული ტურისტების რაოდენობა ყოველწლიურად იზრდება. 2014 წლისმონაცემების მიხედვით, ვიზიტორების ოდენობა, წინა წლის ანალოგიურ პერიოდთან შედარებით, გაიზარდა 2.6%-ით და შეადგინა 1,325,635 ვიზიტორი. 0.5%-ით არის გაზრდილი ასევე 2015წლის იანვარი-აპრილში სომხეთიდან შემოსული ვიზიტორების რაოდენობა .