ნიკა მელიამ დავით სერგეენკოს სოციალურად დაუცველებისთვის დახმარების გაცემისკენ მოუწოდა

პოლიტიკა - 16:23, 15 May, 2015

1169

ნიკა მელიამ სოციალურად დაუცველი ოჯახები მოინახულა და დავით სერგეენკოს დახმარებების გაცემისკენ მოუწოდა

,,სოციალური სააგენტო აღარ ამოწმებს პირველად შეტანილ განცხადებებს. სოციალური აგენტები აღარ მიდიან იმ ოჯახებში, ვისაც უწევს ხელახალი გადამოწმება და ვისთანაც იყო უკვე სოციალური აგენტი. დაუცველები დღემდე ელოდებიან პასუხს. მათ არ იციან, რამდენი ქულა მიანიჭეს. ეს სამი გამოკვეთილი ერთმანეთზე გადაჯაჭული პრობლემაა, რომელიც საბოლოო ჯამში მიდის ერთ გლობალურ პრობლემამდე, რომ ფული ამ ხალხის ხარჯზე დაზოგეს“ - განაცხადა ნიკა მელიამ.

მისი თქმით, ჯანდაცვის სამინისტრო გაჭირვებული ფენის ხარჯზე ბიუჯეტში თანხას ზოგავს.

,,ძალიან სამწუხაროა, რომ ჯანდაცვის სამინისტრო არ ასრულებს მის ერთ-ერთ უმნიშვნელოვანეს ფუნქციას და უკვე თვეები არის, რაც ათასობით ოჯახი საქართველოში ვერ იღებს სოციალურ შემწეობას. მიზეზი არის ძალიან სამწუხარო, სამინისტრო უბრალოდ თანხას ზოგავს ბიუჯეტში, გაჭირვებული საზოგადოებრივი ფენის ხარჯზე. მე ვფიქრობ, რომ ბატონმა სერგეენკომ ან უნდა აღიაროს, რომ მის სისტემაში არის პრობლმა ან სასწრაფოდ გაიცეს დახმარება სოციალურად დაუცველებზე, რომლებიც თვეების განმავლობაში არიან მოლოდინში“ - განაცხადა ნიკა მელიამ.