მთავრობამ შინაგან საქმეთა სამინისტროს გაყოფის შესახებ კანონპროექტს მხარი დაუჭირა.

როგორც მთავრობის სხდომის დასრულების შემდეგ შს მინისტრმა განაცხადა, კანონპროექტი ახალი სამსახურის, სუს-ის შექმნას ითვალისწინებს, რომლის შემადგენლობაში შევა ანტიკორუფციული სააგენტო, კონტრდაზვერვა და ანტიტერორისტული ცენტრი.

„რაც შეეხება ამ სამსახურის ხელმძღვანელის დანიშვნის წესს, მას პრემიერი წარუდგენს მთავრობას, ხოლო მთავრობის თანხმობის შემთხვევაში პარლამენტი განიხილავს და ამტკიცებს მას. უსაფრთხოების სამსახურის ხელმძღვანელი აირჩევა 6 წლის ვადით. ერთი და იგივე პირის ორი ვადით არჩევა არ იქნება შესაძლებელი. ეს ადამიანი იქნება აპოლიტიკური. ის იქნება ანგარიშვალდებული როგორც მთავრობის ასევე პარლამენტის წინაშე“, - განაცხადა გომელაურმა.

საქართველოს მთავრობამ დღეს პროკურატურისა და შინაგან საქმეთა რეფორმირების საკითხზე იმსჯელა. ცნობილია, რომ კანონპროექტი უახლოეს კანონპროექტი განსახილველად პარლამენტში გადაიგზავნება.