,,პრემიერის მიმართვის შემდეგ, რატომ უნდა გაჩენოდა ინვესტორს საქართველოში ინვესტიციების ჩადების სურვილი...“

სოც.მედია - 00:51, 15 May, 2015

1843

მგონია, რომ საერთაშორისო ინვესტორებს უფრო მეტი სურდათ მოესმინათ პრემიერისგან ახალ შესაძლებლობებისა და მათთვის საინტერესი გზავნილების შესახებ - Business Time Georgia-ს მთავარი რედაქტორი ლევან ჭითანავა თბილისში EBRD-ის ბიზნეს-ფორუმზე ირაკლი ღარიბაშვილის გამოსვლას სოციალურ ქსელში ეხმიანება.

,,როგორც იცით, დღეს რუსთაველის თეატრში ბიზნეს-ფორუმი გაიმართა. თეატრში ადგილები დარჩენილი პრაქტიკულად არ იყო. მაგრამ, თითქოსდა, ამ დარბაზს ისევ ჩვენ ვავსებდით, ანუ ისეთი შთაბეჭტილება დამრჩა, რომ საერთაშორისო ინვესტორების რაოდენობა არც თუ ისე ბევრი იყო. ამასობაში, საქართველოს პრემიერ-მინისტრი ბატონი ირაკლი ღარიბაშვილი EBRD-ს პრეზიდენტთან ერთად გამოჩნდა. მან სიტყვით მიმართა დარბაზში მყოფ ბიზნესმენებს... რაც მოვისმინე იმის შედმეგ გამიჩნდა კითხვა, ნუთუ ინვესტორებისთვის არაფერი ახალი გვაქვს სათქმელი? ნუთუ მათთვის საინტერესო იყო EBRD-მა რა პროექტები დააფინანსა ბოლო წლების განმავლობაში საქართველოში? მგონია, რომ უფრო მეტ კონკრეტიკას ელოდებოდა ბიზნესი და სურდა მოესმინა პრემიერისგან ახალ შესაძლებლობების შესახებ და მისთვის საინტერესი გზავნილები. არ ვიცი, მართლა არ ვიცი, პრემიერის დღევანდელი მიმართვის შემდეგ, რატომ უნდა გაჩენოდა ინვესტორს საქართველოში ინვესტიციების ჩადების სურვილი...

P.S. პრემიერ-მინისტრმა თავის გამოსვლაში ასევე ბრძანა, რომ ბოლო წლების განმავლობაში ტურისტების ნაკადი საქართველოში საგრძნობლად გაიზარდა... ტურიზმის ადმინისტრაცია მედიას რატომ აწვდის საპირისპირო ციფრებს? რატომ?“ - წერს ლევან ჭითანავა.