დავით ნარმანია EBRD-ის 24-ე ყოველწლიური შეხვედრის გახსნას დაესწრო

პოლიტიკა - 14:31, 14 May, 2015

1116

თბილისის მერი დავით ნარმანია ევროპის რეკონსტრუქციისა და განვითარების ბანკის (EBRD) 24-ე ყოველწლიური შეხვედრის გახსნას დაესწრო. შეხვედრის მონაწილეებს სიტყვით მიმართეს პრემიერ-მინისტრმა ირაკლი ღარიბაშვილმა, EBRD-ის პრეზიდენტმა სუმა ჩაკრაბარტიმ და მმართველი საბჭოს თავმჯდომარემ ჰარის გეორგადისმა.

დღეს თბილისის მერი სიტყვით გამოვა მწვანე ინფრასტრუქტურის განვითარებასთან დაკავშირებულ სესიაზე, რომელზეც დავით ნარმანიას თქმით, მომავლის ქალაქის განვითარებასთან დაკავშირებული თანამედროვე მიდგომები, განიხილება. თბილისის მერი მოხსენებაში ყურადღებას გაამახვილებს გამწვანებასა და ეკოლოგიურად სუფთა მუნიციპალური ტრანსპორტის განვითარების საკითხებზე, ასევე იმ ღონისძიებებზე, რომელიც მიმართულია ქალაქში ეკოლოგიური მდგომარეობის გაუმჯობესებისკენ.

„ჩვენ ვისაუბრებთ იმ მიდგომებზე, რომელსაც იყენებენ მსოფლიოს ქალაქები. ჩემი მოხსენება შეეხება ქალაქში განსახორციელებელ პროგრამებს და ამოცანებს. განსაკუთრებული ყურადღება გამახვილდება ევროპის რეკონსტრუქციისა და განვითარების ბანკთან მიმდინარე მოლაპარაკებებზე, რათა მათი მხარდაჭერით შევძლოთ დედაქალაქის ინფრასტრუქტურის და მუნიციპალური ტრანსპორტის შემდგომი განვითარება“ - განაცხადა დავით ნარმანიამ .