ამზადებენ თუ არა აბაშიძე-კარასინის რუსეთ საქართველოს შორის მაღალი დონის შეხვედრებს

პოლიტიკა - 11:26, 14 May, 2015

1588

საქართველოსა და რუსეთის ხელისუფლების წარმომადგენლებს შორის მაღალი დონის შეხვედრის მომზადებასთან დაკავშირებით გრიგორი კარასინის განცხადებას რუსეთთან ურთიერთობების საკითხებში პრემიერის სპეციალური წარმომადგენელი ზურაბ აბაშიძე გამოეხმაურა. აბაშიძის თქმით საქართველოსა და რუსეთის ხელისუფლების წარმომადგენლებს შორის მაღალი დონის შეხვედრის მომზადება ამ ეტაპზე არ მიმდინარეობს და ამ დრომდე გამართულ არც ერთ კონსულტაციაზე, მსგავს შეხვედრაზე საუბარი არ ყოფილა. ამასთანავე აბაშიძე მომავალში მსგავსი შეხვედრის შესაძლებლობას არ გამორიცხავს:

"თუ კი ასეთი შეხვედრა მომზადდება ძალიან დეტალურად, ის აუცილებლად ორიენტირებული უნდა იყოს რეალურ შედეგებზე, მხედველობაში გვაქვს აფხაზეთის კონფლიქტი, ცხინვალის რეგიონი და ის, რომ რაღაც კონკრეტული ნაბიჯი უნდა გადაიდგას," - განმარტავს ზურაბ აბაშიძე.

შეგახსენებთ, რომ რუსეთის საგარეო საქმეთა მინისტრის მოადგილემ გრიგორი კარასინმა საქართველოს თემაზე „რია ნოვოსტისთან“ საუბრისას განაცხადა, რომ რუსეთ-საქართველოს შორის ხელისუფლების მაღალი დონის ურთიერთობის პერსპექტივა ყოველთვის არის, „მაგრამ იმისთვის, რომ პერსპექტივა რეალობად იქცეს, მუშაობაა საჭირო.“