გადადგება თუ არა ნოდარ ხადური? - რას ამბობენ უმრავლესობაში

პოლიტიკა - 11:20, 14 May, 2015

3080

არსებული ინფორმაციით, EBRD-ის ბიზნესფორუმის დასრულების შემდეგ ფინანსთა მინისტრი თანამებობას დატოვებს. გავრცელებული ცნობით, ნოდარ ხადურის საქმიანობა უარყოფითად იქნა შეფასებული, მათ შორის, საერთაშორისო ექსპერტების მიერ და მისი თანამდებობიდან წასვლა გადაწვეტილია.
ჯანდაცვის და გარემოც დაცვის მინისტრები ნოდარ ხადურის გადადგომის შესახებ გავრცელებულ ინფორმაციას არ ადასტურებენ.

როგორც დავით სერგეენკომ ჟურნალისტებთან საუბრისას განაცხადა, მსგავსი მას არაფერი გაუგია.

„ბატონი ნოდარი მუშაობს ფინანსთა მინისტრის თანამდებობაზე. მისი შეცვლის შესახებ ინფორმაცია ჩემთვის ცნობილი არ არის“, - აცხადებს სერგეენკო.

ამ თემაზე ინფორმაციას არ ფლობს არც გიგლა აგულაშვილი. „მსგავსი ინფორმაცია ჩემთვის ცნობილი არ არის", - განაცხადა აგულაშვილმა.

როგორც ,,ნიუპოსტს“ საპარლამენტო უმრაველსობის წევრმა ანი მიროტაძემ განუცხადა, ფინანსთა მინისტრის გადაყენებას ის გამორიცხავს, მისი თქმით, პრემერს ეკონომიკური გუნდის მიმართულებით რაიმე ცვლილება თუ ჰქონდა დაგეგმილი, ეს მთავრობის დამტკიცებამდე გუნდის წარდგენისას მოხდებოდა. ,,ეკონომიკურმა გუნდმა გამოხატა მზაობა უახლოესი პერიოდის განმავლობაში ვითარების დასტაბილურების კუთხით და იმედი მაქვს, ამ გეგმას თავს წარმატებით გაართმევენ. ამდენად ფინანსთა მინისტრის გადადგომა ნამდვილად არ დგას დღის წესრიგში“ - აღნიშნა მიროტაძემ.

შეგახსენებთ, გუშინ მედიაში გავრცელდა ინფორმაცია, რომ EBRD-ის ბიზნესფორუმის შემდეგ ფინანსთა მინისტრი დატოვებს.