,,ორწლიან დიალოგს კონკრეტული შედეგები უკვე აქვს" - რუსეთი კარასინ-აბაშიძის ფორმატით კმაყოფილია

პოლიტიკა - 11:14, 14 May, 2015

2206

რუსეთის საგარეო საქმეთა მინისტრის მოადგილის გრიგორი კარასინის და საქართველოს პრემიერის სპეციალური წარმომადგენელის ზურაბ აბაშიძის შეხვედრა ივნისის შუა რიცხვებში შედგება, ამის შესახებ გრიგორი კარასინმა „რია ნოვოსტისთან“ განაცხადა.

„ჩვენ ახლა ვამზადებთ პრაღის შეხვედრას. როგორც ადრე ახლაც ვთვლით, რომ კავშირის ეს არხი გვეხმარება გადავწყვიტოთ რუსეთ-საქართველოს ურთიერთობების პრაქტიკული საკითხები.“ - განაცხადა კარასინმა, ამასთანავე კარასინი აღნიშნავს რომ ამ ორწლიან დიალოგს კონკრეტული შედეგები უკვე აქვს. რუს მაღალჩინოსანს ამის მაგალითად რუსულ ბაზარზე ქართული ღვინის და სოფლის მეურნეობის პროდუქტების დაბრუნება და სავაჭრო-სამრეწველო პალატის ხაზით საქმიანი კონტაქტების აქტივიზაცია მოჰყავს

„რუსეთი თურქეთთან და აზერბაიჯანთან ერთად საქართველოს მსხვილ სავაჭრო პარტნიორების სამეულში შედის, ეს ცუდი განვითარება არ არის და ჩვენ ამას მივესალმებით“- აღნიშნავს კარასინი.

„ამასთანავე აღდგა საჰაერო მიმოსვლაც, პოზიტიური ტენდენციებია ჰუმანიტარულ სფეროშიც, ადამიანთა ურთიერთობაშიც, კულტურილ, რელიგიურ ურთიერთობებში. ჩვენ ახლა ვმუშაობთ საქართველოს მოქალაქეებისთვის სავიზო რეჟიმის მომავალ ლიბერალიზაციაზე, იმდენად რამდენადაც ამის საშუალებას მოგვცემს ჩვენ ქვეყნებს შორის არარსებული დიპლომატიური ურთიერთობა“- განაცხადა გრიგორი კარასინმა.