პარტიული პრეფერენციები ინსტიტუტების შეფასებაზე აისახება

პარტიული პრეფერენციები ინსტიტუტების შეფასებაზე აისახება - NDI

პოლიტიკა - 12:17, 13 May, 2015

1238

ეროვნულ-დემოკრატიულმა ინსტიტუტმა (NDI) საზოგადოებრივი აზრის კვლევის - „საზოგადოების განწყობა საქართველოში“ შედეგების პოლიტიკურ ნაწილი გამოაქვეყნა, საიდანაც ნათლად ჩანს, რომ პარტიული პრეფერენციები დიდწილად განსაზღვრავს მოსახლეობის შეხედულებებს ეკონომიკაზე, ქვეყნის განვითარების მიმართულებებსა და სხვადასხვა ინსტიტუტის შეფასებაზე. იმას თუ რომელ პარტიას უჭერს მხარს ესა თუ ის პიროვნება, აქვს ასახვა მის ნდობაზე ინსტიტუტების მიმართ.

მაგალითად, „ქართული ოცნების“ მხარდამჭერთა 52% მიიჩნევს, რომ საქართველო სწორი მიმართულებით ვითარდება, მაშინ როდესაც „ერთიანი ნაციონალური მოძრაობის“ მხოლოდ 7%-ს მიაჩნია ასე.

თუკი ქართული ოცნების 40% მიიჩნევს თავს დასაქმებულად, „ერთიანი ნაციონალური მოძრაობის“ მხარდამჭერთა მხოლკოდ 23% თვლის ასე.

რაც შეეხება საკითხს, თუ როგორ გრძნობს ესა თუ ის ადმიანი და მისი ოჯახი თავს , 2012 წლის ოქტომბრის შემდეგ, საერთო მაჩვენებლის მიხედვით გამოკითხულთა 55% მიიჩნევს რომ მდგომარეობა არ შეცვლილა, 11% უკეთაა, ხოლო 34% უარესად. პარტიული სიმპათიების მიხედვით კი, „ქართული ოცნების“ მხარდამჭერთა 27% უკეთესად გრძნობს თავს, „ნაციონალური მოძრაობის „ მხარდამჭერებიდან კი მხოლოდ 3 % თვლის ასე.

შეგახსენებთ, NDI-მ კვლევითი სამუშაოები 27 მარტიდან 19 აპრილამდე აწარმოა. გამოიკითხა 4360 ადამიანი პირისპირ ინტერვიუს წარმომადგელობითი შერჩევის საფუძველზე. NDI-ს მიერ ჩატარებულ კვლევას შვედეთის საერთაშორისო განვითარების და თანამშრომლობის სააგენტო (Sida) აფინანსებს.

რუსუდან ქიმერიძე