59%-ს მიაჩნია რომ ივანიშვილი ხელისუფლების საქმიანობაზე გადაწყვეტილების მიმღები პირია

59%-ს მიაჩნია რომ ივანიშვილი ხელისუფლების საქმიანობაზე გადაწყვეტილების მიმღები პირია - NDI

პოლიტიკა - 12:06, 13 May, 2015

1382

ეროვნულ–დემოკრატიული ინსტიტუტისა (NDI) და მისი პარტნიორი ორგანიზაცია CRRC– საქართველოს მიერ წარმოდგენილი საზოგადოებრივი აზრის უახლესი კვლევის შედეგების თანახმად, გამოკითხულთა ნახევარზე მეტს მიაჩნია, რომ ყოფილი პრემიერ-მინისტრი ბიძინა ივანიშვილი კვლავ რჩება ხელისუფლების საქმიანობაზე გადაწყვეტილების მიმღებ პირად. ამ მოსაზრებას გამოკითხულთა 59% ეთანხმება. 14 პროცენტის აზრით კი ბიძინა ივანიშვილი აღარ არის გადაწყვეტილების მიმღები პირი მას შემდეგ, რაც თანამდებობიდან გადაგდა. არცერთ მოსაზრებას არ ეთანხმება 4%, 21% -მა არ იცის, 2%-მა კი პასუხზე უარი განაცხადა.

41%-ის აზრით სასურველია, რომ ივანიშვილი პოლიტიკური გადაწყვეტილებების მიღების პროცესში არ იყოს ჩართული. 30% ეთანხმება მოსაზრებას, რომ ყოფილი პრემიერი იყოს გადაწყვეტილების მიმღები, მაგრამ ამასთანავე ეკავოს ოფიციალური პოლიტიკური თანამდებობა. 6%-ის აზრით კი ივანიშილი ოფიციალური თანამდებობის გარეშეც უნდა იღებდეს პოლიტიკურ პროცესებში მონაწილეობას.

NDI-მ კვლევითი სამუშაოები 27 მარტიდან 19 აპრილამდე აწარმოა. გამოიკითხა 4360 ადამიანი პირისპირ ინტერვიუს წარმომადგელობითი შერჩევის საფუძველზე. NDI-ს მიერ ჩატარებულ კვლევას შვედეთის საერთაშორისო განვითარების და თანამშრომლობის სააგენტო (Sida) აფინანსებს.