ექსპერტი ხათუნა ლაგაზიძე ვარაუდობს, რომ მომავალ არჩევნებზე მთავარი ბრძოლა „ქართული ოცნების“ საარჩევნო სიისთვის წარიმართება.

ამის შესახებ ლაგაზიძემ გადაცემა „არჩევანში“ განაცხადა.

რაც შეეხება რიგგარეშე არჩევნებს, ლაგაზიძე ამბობს, რომ დღეს ეს ქვეყანაში გაუმართლებელია.

"თუ ხელისუფლება მოახერხებს მორჩილების პრინციპიდან შერჩეული კადრებიდან მოაზროვნე მთავრობაზე გადავიდეს, ასეთ შემთხვევაში მოახერხებს გამარჯვებას არჩევნებში. მომავალ საპარლამენტო არჩევნების დროს ბრძოლა საარჩევნო სიაზე დაიწყება. ერთი მხრივ დასავლელი პარტნიორები და მეორე მხრივ რუსეთი ეცდება, რომ საარჩევნო სია სათავისოდ დაკომპლექტდეს. რაც შეეხება რიგგარეშე არჩევნებს, ეს დღეს ქვეყანაში გაუმართლებულია. დარწმუნებული ვარ, რომ მომავალ არჩევნებზე ვერც ერთი პარტია დამოუკიდებლად გამარჯვებას ვერ მოიპოვებს“, - განაცხადა ლაგაზიძემ.