ევროპის საბჭოს პრეზიდენტი დონალდ ტუსკი მთავრობას ევროინტეგრაციული პროცესების მხარდასაჭერად მოქალაქეებთან დიალოგს ურჩევს.

ამის შესახებ ტუსკმა საქართველოს პრეზიდენტთან გამართული შეხვედრის შემდეგ განაცხადა.

მან ხაზგასმით აღნიშნა, რომ იმ პროგრესში, რაც საქართველომ ვიზალიბერალიზაციის პროცესში ნახა, პრეზიდენტს დიდი წვლილი მიუძღვის.

„საქართველოს მთავრობისთვის მნიშვნელოვანია მოქალაქეებთან დიალოგი იმისთვის, რომ უზრუნველყოფილი იყოს ხანგრძლივი მხარდაჭერა ზემოთ ევროინტეგრაციული პროცესებისადმი. ჩვენ დარწმუნებული ვართ, რომ საქრთველო განვითარებულ ეკრონომიკურ ქვეყნად იქცევა. მინდა კიდევ ერთხელ დავაფიქსირო ევროკავშირის მხარდაჭერა საქართველოს ტერიტორიული მთლიანობისადმი“, - განაცხადა ტუსკმა.