ვისთვის იყო SOCAR- ის 700 მილიონიანი პროექტი არამომგებიანი

ვისთვის იყო SOCAR- ის 700 მილიონიანი პროექტი არამომგებიანი - კალაძის განმარტება

პოლიტიკა - 16:42, 12 May, 2015

2658

„სოკარის“ მიერ საქართველოში მრავალმილიონიანი პროექტის შეჩერებასთან დაკავშირებით კომენტარი ენერგეტიკის მინისტრმა გააკეთა. როგორც კახა კალაძემ განაცხადა, ქარხნის მშენებლობის გეგმების დროებით შეჩერების მიზეზი ისაა, რომ პროექტი ფინანსურად არამომგებიანია.

„კარბამიდის ქარხნის პროექტი ფინანსურად არამომგებიანი იყო, როგორც საქართველოსთვის ასევე აზერბაიჯანული მხარისთვის. ეს იყო საერთო შეთანხმება, რომ დროებით შეგვეჩერებინა პროექტის განხორციელების გეგმები. აზერბაიჯანულ მხარეს ჰქონდა პრობლემები ბუნებრივ აირთან დაკავშირებით, ბუნებრივი აირის 80%–ს ვიღებთ აზერბაიჯანიდან, წელს ზამთარში ჩვენ გარკვეული პრობლემები გვქონდა, მიგვეღო ის რაოდენობა. რომელიც ჭირდებოდა ჩვენი ქვეყნის და მე მესმის მათი,“– აღნიშნა კალაძემ.

იმის შესახებ, რომ აზერბაიჯანის სახელმწიფო ნავთობკომპანია „სოკარმა“ საქართველოში კარბამიდის ქარხნის მშენებლობა შეაჩერა, პარასკევს გახდა ცნობილი. აზერბაიჯანული საიტის trend.az-ს მოჰყავს SOCAR–ის პრეზიდენტის როვნაგ აბდულაევის განცხადება, რომ პროექტის მშენებლობა დროებით გაიყინა.

„ეს მოხდა იმის გამო, რომ ჩვენ ვერ შევძელით საქართველოს ხელისუფლებასთან გარკვეული მოლაპარაკებების დასრულება,“ – განაცხადა აბდულაევმა.