17 მაისის საქმეზე ევროსასამართლომ საქართველოს 32 000 ევროს გადახდა დააკისრა

პოლიტიკა - 14:03, 12 May, 2015

1695

2012 წლის 17 მაისის საქმეზე ადამიანის უფლებათა ევროპულმა სასამართლომ საბოლოო განაჩენი გამოიტანა, სასამართლომ 2015 წლის 12 მაისის გადაწყვეტილებით, იდენტობას და 14 განმცხადებლის სასარგებლოდ მე-14 მუხლთან მიმართებით მე-3 და მე-11 მუხლის დარღვევა დაადგინა. რის გამოც საქართველოს სახელმწიფოს 32 000 ევროს გადახდა დაეკისრა.

საქმე ეხება 2012 წლის 17 მაისის მშვიდობიან დემონსტრაციის ჩაშლას, ორგანიზაცია იდენტობას მიერ ორგანიზებული დემონსტრაციის მიზანი ჰომოფობიის საერთაშორისო დღის აღნიშვნა იყო, დემონსტრაციას დაახლოებით ოცდაათი ადამიანი ესწრებოდა, დემონსტრაცია კონტრდემონსტრანტებმა ძალადობის გზით დაარბიეს.

"სასამართლომ მიიჩნია, რომ ხელისუფლებას უნდა სცოდნოდა იმ რისკების შესახებ, რომელიც მშვიდობიანი დემონსტრანტების მიმართ არსებობდა, შესაბამისად მათ ჰქონდათ ვალდებულება აქციის მონაწილეები ადეკვატური დაცვა უზრუნველეყოთ",- ნათქვამია გადაწყვეტილებაში.

სასამართლომ გადაწყვიტა, რომ საქართველომ 13 გამცხადებელს, რომელიც აღნიშნულ დემონსტრაციაში მონაწილეობდა 2 000 - 4 000ევრო უნდა გადაუხადოს თითოეულს, ხოლო ორგანიზაცია "იდენტობას" 1 500 ევრო მორალური ზიანისთვის. ჯამში საქართველომ განმცხადებლებს 33 500 ევრო უნდა გადაუხადოს.

აღსანიშნავია, რომ სასამართლო 2013 წლის 17 მაისის აქციის დარბევის საქმესაც განიხილავს.