"ანტიკორუფციული საბჭო" სენაკის თვითმმართველობას კორუფციაში ადანაშაულებს

პოლიტიკა - 13:10, 12 May, 2015

1292

„ნაციონალური მოძრაობის“ მიერ შექმნილი „ანტიკორუფციული საბჭოს“ წევრებმა სენაკში ადგილობრივ მოსახლეობასთან შეხვედრა გამართეს. შეხვედრაზე საბჭოს წევრებმა მოქალაქეებისგან კონკრეტული პრობლემების შესახებ მიიღეს ინფორმაცია. ადგილობრივმა მოსახლეობამ უკმაყოფილება გამოთქვა შეჩერებული ინფრასტრუქტურული სამუშაოების და ეკონომიკური მდგომარეობის გამო. მათ ასევე ისაუბრეს რაიონში არსებული ნეპოტიზმის და კორუფციული ფაქტების შესახებ.

„ანტიკორუფციული საბჭოს“ წევრებთან შეხვედრაზე რამდენიმე ადამიანმა ისაუბრა კონკრეტული ფაქტების შესახებ, რომელიც მათივე თქმით სამართალდამცველების მხრიდან მოქალაქეებისთვის მარიხუანის ჩადებას და სხვა უკანონო ქედებებს უკავშირდება.

მოქალაქეების მიღების დასრულების შემდეგ, ”ანტიკორუფციული საბჭოს“ წევვრებმა ბრიფინგი გამართეს და საზოგადოებას გააცნეს დოკუმენტები, სადაც ასახული იყო რაიონში განხორციელებული პროექტების ხარჯთაღრიცხვა. საბჭოს წევრები აცხადებენ, რომ სხვადასხვა ინფრასტრუქტურულ სამუშაოებზე ადგილობრივმა თვითმმართველობამ შეუფერებლად მაღალი თანხები დახარჯა და კონკრეტულ ფაქტებზე კორუფციის ნიშნები იკვეთება.