პრეზიდენტი გიორგი მარგველაშვილი NDI-ის კვლევის შედეგების იმ ნაწილს ეხმაურება, რომელიც ევროკავშირთან და ევრაზიულ კავშირთან მიმართებაში მოსახლოების განწყობას ასახავს.

მარგველაშვილის თქმით, 31% მნიშვნელოვანი სიგნალია იმ პოლიტიკური ჯგუფებისთვის, რომლისთვისაც სტრატეგიული კურსი დასავლური არჩევანია.

„მიმაჩნია, რომ შედეგები დასაფიქრებელია. ჩემი საპარლამენტო გამოსვლის დროს ხაზი გავუსვი იმას, რომ ნებისმიერი პროდასავლური ძალების დღის წესრიგი დასავლური არჩევანის კონსოლიდაციასთან დაკავშირებით უფრო უნდა გააქტიურდეს. 31% არის მნიშვნელოვანი სიგნალი ყველა იმ პოლიტიკური ჯგუფისთვის, რომლისთვისაც სტრატეგიული - სწორედ დასავლური არჩევანია. მიმაჩნია, რომ საქართველოში იმ პოლიტიკურმა ძალებმა, რომლებიც ნათლად ხედავენ ჩვენი ევროპული და ევროატლანტიკური ინტეგრაციის შეუქცევადობას, ამ იდეების პოპულარიზაციის თვალსაზრისით მეტი კონსოლიდაცია უნდა მოახდინონ", - განაცხადა პრეზიდენტმა.