საქართველოს პრეზიდენტი ელმარ ბროკს შეხვდა

პოლიტიკა - 09:46, 12 May, 2015

806

საქართველოს პრეზიდენტი ბრიუსელში ევროპარლამენტის საგარეო საქმეთა კომიტეტის თავმჯდომარეს ელმარ ბროკს შეხვდა.

საუბრის მთავარი თემა საქართველო-ევროკავშირის ურთიერთობა და მაისში დაგეგმილი აღმოსავლეთ პარტნიორობის რიგის სამიტი იყო. აღინიშნა, რომ მნიშვნელოვანია სამიტზე სათანადოდ შეფასდეს საქართველოს ევროპული პერსპექტივა და ევროინტეგრაციის მიმართულებით ჩვენი ქვეყნის მიერ გადადგმული ნაბიჯები და მიღწეული პროგრესი. „საქართველო მზად არის წვლილიშეიტანოს სამიტის საერთო წარმატებაში, კონკრეტული შედეგების დემონსტრირების მეშვეობით“, - აღნიშნა ქვეყნის პირველმა პირმა.

გიორგი მარგველაშვილმა ელმარ ბროკს მადლობა გადაუხადა საქართველოს ევროპული ინტეგრაციის პროცესში პერსონალური წვილილისათვის და აღნიშნა, რომ მოხარული იქნება პირადადუმასპინძლოს საქართველოში. სახელმწიფო მეთაურის განცხადებით, საქართველო აფასებს ევროპის პარლამენტის მხრიდან ჩვენი ქვეყნის საერთაშორისოდ აღიარებული საზღვრების ფარგლებში ტერიტორიული მთლიანობის აღდგენის საკითხისა და საქართველოს ევროპული არჩევანისა და მისწრაფებების მტკიცე მხარდაჭერას.

ელმარ ბროკთან შეხვედრისას საქართველოს პრეზიდენტმა განაცხადა, რომ საგარეო უსაფრთხოების სერიოზული გამოწვევების მიუხედავად, საქართველო განაგრძობს შეუქცევად სვლას ევროპულიინტეგრაციის გზაზე და, როგორც ევროპის სანდო პარტნიორი, ასრულებს თავის ვალდებულებებს.

შეხვედრისას მხარეებმა რეგიონალური უსაფრთხოების საკითხები განიხილეს, მათ შორის ოკუპირებული ტერიტორიებზე შექმნილ ვითარება და რუსეთის პოლიტიკა მეზობელი სახელმწიფოებისმიმართ. ხაზგასმით აღინიშნა, რომ ევროპული მშვიდობა და უსაფრთხოება წარმოუდგენელია აღმოსავლეთ პარტნიორობის ქვეყნებში უსაფრთხოებისა და სტაბილურობის მიღწევის გარეშე.