რუსულ პროპაგანდას კომფორტი აქვს შექმნილი და 2016 წელს სურათი გაცილებით მძიმე იქნება

რუსულ პროპაგანდას კომფორტი აქვს შექმნილი და 2016 წელს სურათი გაცილებით მძიმე იქნება - შარაშენიძე NDI-ის კვლევას აფასებს

პოლიტიკა - 18:12, 11 May, 2015

1752

NDI ჩატარებული საზოგადოებრივი აზრის კვლევის - „საზოგადოების განწყობა საქართველოში“ შედეგებს აქვეყნებს, რომლის მიხედვითაც ყველაზე მნიშვნელოვან ეროვნულ საკითხთა სამეულში, ტერიტორიული მთლიანობის საკითხი აღარ ფიქსირდება. კვლევის თანახმად, გამოკითხულთა 31%-სთვის ევრაზიის კავშირში გაწევრიანება მისაღებია, 41%-სთვის მიუღებელი, ხოლო 27%-მა არ იცის.

ამერიკის ეროვნულ-დემოკრატიული ინსტიტუტის კვლევის შედეგებს ,,ნიუპოსტთან“ ექსპერტი თორნიკე შარაშენიძე აფასებს და მას შემაშფოთებელ ტენდენციას უწოდებს.

,,ტერიტორიული მთლიანობის საკითხის გადაწევა და წინ წამოწევა სოციალურ-ეკონომიკურ პრობლემების ნიშნავს იმას, რომ ძალიან გამწვავდა ეს პრობლემები იმდენად, რომ პირველ რიგში არ აისახი ის, რაც არის ჩვენი უმთავრესი ეროვნული ტკივილი - ტერიტორიული მთლიანობის პრობლემა. მეორე ძალიან შემაშფოთებელი ტენდენციაა პრორუსული და რუსული ორიენტაციის ზრდის. ეს ნიშნავს, რომ ძალიან ეფექტურად მუშაობს რუსული საინფორმციო პროპაგანდის მანქანა და ამას ხელს ვერანაირად ვერ უშლის ჩვენი სახელწმიფო, რომელაც ამ მიმართულებით მგონი საერთოდ პოლიტიკა არ აქვს, პირიქით, ძალიან კომფორტი აქვთ შექმნილი იმ პრორუსულ ორგანიზაციებს, რომლებიც თარეშობენ საქართველოში. თუ ასე გაგრძელდება უნდა ველოდოთ კიდევ უფრო პრორუსული განწყობის ზრდას“ - აცხადებს ექსპერტი.

რამდენად უნდა ველოდოთ პრორუსული განწყობის ასახვას 2016 წლის საპარლამენტო არჩევნების შედეგებზე, შარაშენიძე ამბობს, რომ სურათი შეიძლება იმაზე მძიმე იყოს ვიდრე, დღეს არის.

,,არჩევნების წინ ჩვენ შეიძლება მივიღოთ გაცილებით მძიმე სურათი, ვიდრე ახლა არის, მითუმეტეს პროდასავლურ ოპოზიციას, რასაც ჩვენ ვუყურებთ, ჯერ კიდევ პრობლემები აქვს გარკვეულწილად და ამის ფონზე ძალიან საშიში გახდება პრორუსული განწყობების ზრდა, რომელსაც, ვიმეორებ ხელს უწყობს, ისევ და ისევ კომფორტი, რომელიც შექმნილი აქვს რუსულ საინფორმაციო საშუალებებს და პროპაგანდას“ - ამბობს თორნიკე შარაშენიძე.