პარლამენტის თავმჯდომარის დავით უსუფაშვილის თქმით, საქართველოში უსაფრთხოების ევროპული სტანდარტების დანერგვაა საჭირო.

როგორც უსუფაშვილმა განაცხადა, ამის საჭიროება ქობულეთში მომხდარმა ტრაგედიამაც ცხადყო.

„ამ ტრაგედიის ფონზე ერთი მნიშვნელოვანი თემა წარმოჩინდა. ასეთ დროს უფრო მეტად ვიწყებთ ფიქრს ისეთ საკითხზე, როგორიც არის უსაფრთხო გარემო, იქნება სახანძრო თუ ყველა სხვა ტიპის უსაფრთხოება. ევროპაში დიდი რესურსი იხარჯება იმისთვის, რომ მსგავსი მოვლენები არ მოხდეს. ახლა არ ვისაუბრებ კონკრეტულ მოდელზე, მაგრამ ფაქტია, რომ როდესაც ჩვენ უცხოეთში ვმოგზაურობთ და სახანძრო სისტემებს ვხედავთ, მეც ბევრჯერ გამჩენია განცდა, ღირს კი ამდენი თანხის ხარჯვა ხანძრის მაქრობლებზე? გუშინ მივიღეთ პასუხი, რომ ღირს“, - განაცხადა უსუფაშვილმა.