ევროკომისარი იოჰანეს ჰანის განცხადებით, ევროკომისია საქართველოს, მოლდოვასა და უკრაინას 150 მილიონიან გრანტს გამოუყოფს. ამის შესახებ ევროკომისარმა ბრიუსელში, საქრთველოს პრეზიდენტთან შეხვედრის შემდეგ გამართულ პრესკონფერენციაზე ისაუბრა.

"ჩვენ ქვეყანა და ბიზნეს-საზოგადოება, განსაკუთრებით მცირე და საშუალო მეწარმეები უნდა მოვამზადოთ იმისთვის, რომ მათ უფრო კარგად უპასუხონ ღრმა და ყოვლისმომცველი თავისუფალი სავაჭრო სივრცის შესახებ შეთანხმების ყველა მოთხოვნას. ჩვენ საქართველოს უფრო მეტ დახმარებას შევთავაზებთ"- განაცხადა იოჰანეს ჰანმა.

ამასთანავე ევროკომისარმა დადებითად შეაფასა "სავიზო რეჟიმის ლიბერალიზაციის სამოქმედო გეგმის" განხორციელების შესახებ ევროკომისიის მიერ რამდენიმე დღის წინ გამოქვეყნებულ დასკვნა.

_{ნინო ზედგენიძე}