კულტურის მინისტრის თქმით, შეიქმნება უწყებათაშორისი კომისია, რომელიც შეიმუშავებს რეგულაციებს, თუ რა წესების დაცვით უნდა მოხდეს არასრულწლოვნების გასტროლებზე წაყვანა.

ამის შესახებ მიხეილ გიორგაძემ რუსთავში, ვახტანგ გორგასლის სახელობის საკათედრო ტაძარში განაცხადა, სადაც ხანძრის დროს გარდაცვლილი ბავშვების ოჯახის წევრებს მიუსამძიმრა.

მისი თქმით, ქობულეთში მომხდარი ფაქტი შემზარავია და სამწუხაროა, რომ ამ ფაქტის შემდეგ ხდება სპეციალურ რეგულაციებზე მუშაობის დაწყება.

მინისტრის თქმით, უწყებათაშორის კომისიაში შევლენ კულტურის სამინისტროს, განათლების სამინისტროს, სპორტისა და ახალგაზრდულ საქმეთა სამინისტროს წარმომადგენლები.