პრემიერ-მინისტრის ირაკლი ღარიბაშვილის თქმით, საქართველოს ეროვნული უსაფრთხოების განმტკიცებისა და დემოკრატიული განვითარების გზაზე ევროპულ და ევროატლანტიკურ ინტეგრაციას ალტერნატივა არ აქვს.

ამის შესახებ ღარიბაშვილმა ვაზიანის სამხედრო ბაზაზე განაცხადა, სადაც ქართულ-ამერიკული ერთობლივი სწავლება გაიხსნა.

მისი თქმით, საქართველოს შესწევს უნარი, რომ მსოფლიოს უსაფრთხოების განმტკიცებაში საკუთარი წვლილი შეიტანოს.

"მინდა, კიდევ ერთხელ დავადასტურო, რომ საქართველოს ეროვნული უსაფრთხოების განმტკიცებისა და დემოკრატიული განვითარების გზაზე ევროპულ და ევროატლანტიკურ ინტეგრაციას ალტერნატივა არ აქვს. ეს ჩვენი საგარეო და უსაფრთხოების პოლიტიკის ერთ-ერთი უმთავრესი პრიორიტეტია. ჩვენი შეიარაღებული ძალები ალიანსის წევრი ქვეყნების სამშვიდობო ძალებთან ერთად იბრძვიან მსოფლიოში უსაფრთხოების განმტკიცებისა და მშვიდობის დამყარებისთვის. ხელისუფლება ძალისხმევას არ იშურებს, რათა ნატოსთან დაახლოების საქმეში პროგრესს მივაღწიოთ ", - განაცხადა პრემიერ-მინისტრმა.