ეროვნულ-დემოკრატიული ინსტიტუტი (NDI) საზოგადოებრივი აზრის კვლევის - „საზოგადოების განწყობა საქართველოში“ შედეგებს აქვეყნებს.

კვლევის თანახმად, ყველაზე მნიშვნელოვანი ეროვნული საკითხები, რომელიც მოსახლეობას აწუხებს არის სამუშაო ადგილები (66%), მეორე ადგილზე არის ფასები ზრდა და ინფლაცია (43%), მესამე ადგილზეა სიღარიბე (39%), ყველაზე მნიშვნელოვან ეროვნულ საკითხებს შორის მეოთხე ადგილი უკავია ტერიტორიული მთლიანობას (27%), ხოლო მას პენსიები (21%) და ხელფასები (17%) მოსდევს.

ყველაზე ნაკლებად მნიშვნელოვან საკითხად დასახელებულია უმცირესობის უფლებები (0%), მედიის თავისუფლება (0%) და ციხეები (0%).

ამერიკის ეროვნულ-დემოკრატიულმა ინსტიტუტმა საველე სამუშაოები 27 მარტი-19 აპრილის შუალედში ჩაატარა. NDI-მ ქვეყნის მასშტაბით 4360 ადამიანი გამოკითხა.