ბრიუსელში მყოფი საქართველოს პრეზიდენტი დღეს ნატოს გენერალურ მდივანს იენს სტოლტენბერგს შეხვდება.

მანამდე მარგველაშვილი ევროკავშირის პრეზიდენტს დონალდ ტუსკს და ევროკომისარს ევროკავშირის სამეზობლო პოლიტიკისა და გაფართოების საკითხებში იოჰანეს ჰანს შეხვდება. დაგეგმილია საქართველოს პრეზიდენტის შეხვედრა ევროპარტლამენტის პოლიტიკური პარტიების ლიდერებთან, ასევე ევრო კომისართან ენერგეტიკის საკითხებში და ევროპის სავაჭრო-სამრეწველო პალატების გაერთიანების პრეზიდენტთან.

ვიზიტის ფარგლებში დაგეგმილია კონსულტაციები, ევროკავშირის პრეზიდენტთან დონალდ ტუსკთან და ევროკავშირის უმაღლეს წარმომადგენელთან ფედერიკა მოგერინთან.

შეხვედრების მთავარი თემა რიგის სამიტი იქნება, ასევე ის მოლოდინები, რომელიც საქართველოს ამ სამიტიდან აქვს. ყურადღება გამახვილდება იმ რეფორმებზე, რომელიც საქართველომ ევროინტეგრაციის გზაზე გაატარა.

გიორგი მარგველაშვილი დღესვე სიტყვით გამოვა ევროპარლამენტის საგარეო საქმეთა კომიტეტში.

ქართულ დელეგაციის შემადგენლობაში არიან : საგარეო საქმეთა მინისტრი თამარ ბერუჩაშვილი, უშიშროების საბჭოს მდივანი ირინე იმერლიშვილი, პრეზიდენტის ადმინისტრაციის უფროსი დავით პატარაია, საქართველოს სრულუფლებიანი ელჩი ბელგიის სამეფოსა და ლუქსემბურგის დიდ საჰეცოგოში და ევროკავშირთან საქართველოს მისიის ხელმძღვანელი, ნატალი საბანაძე, საქართველოს მისიის ხელმძღვანელი ნატოში ალექსანდრე მაისურაძე, პრეზიდენტის ადმინისტრაციის უფროსის მოადგილე, ეკონომიკური მრჩეველი გიორგი აბაშიშვილი და პრეზიდენტის მრჩეველი საგარეო ურთიერთობათა საკითხებში თენგიზ ფხალაძე.