ცხინვალი და აფხაზეთი რომ დაბრუნდება, შემოვიდნენ და დაიკიდონ ზედ რაც მედლებია

ცხინვალი და აფხაზეთი რომ დაბრუნდება, შემოვიდნენ და დაიკიდონ ზედ რაც მედლებია - დავითაია

პოლიტიკა - 21:21, 10 May, 2015

2137

,,ჩვენ ვიცით რა უნდა პუტინს და რა უნდა რუსეთს, მაგრამ პრობლემა იმაშია, რომ ჩვენ ქართველებმა არ ვიცით, რა გვინდა“ - ამის შეახებ პაატა დავითაიამ ,,იმედის კვირის“ ეთერში რუსი ბაიკერების ,,გეორგიევსკის ბაფთით“ საქართველოში შემოსვლასთან დაკავშირებით საუბრისას განაცხადა.

პაატა დავითაიას თქმით, აღნიშნული ბაფთები, რუსებმა ცხინვალსა და აფხაზეთში ბრძოლისთვის ჯილდოდ მიიღეს.

,,აქ ვინც ჩამოდის, შეიძლება ბევრი ორდენი ჰქონდეს, მაგრამ თუ მას ექნება ცხინვალისა და სოხუმისთვის ორდენი, ის ავტომატურად არღვევს კანონს ოკუპირებული ტერიტორიის შესახებ და ვერ შემოვა. ცხინვალზე და სოხუმზე გეორგეივსკი ბაფთაა ჩამოკიდებული“ - განაცხადა პაატა დავითაიამ.

,,ევროპელი დემოკრატების“ ლიდერი ამბობს, რომ რუსეთის დელეგაციას მხოლოდ მაშინ შეეძლება ჩამოვიდეს საქართველოში მედლებით, როცა საქართველოს ტერიტორიული მთლიანობა აღდგება.

,,ჩვენ მზად ვართ მივიღოთ რუსეთის დელეგაცია, ყველანაირი მედლით, მას შემდეგ, რაც აღდგება ქვეყნის ტერიტორიული მთლიანობა, როცა დაბრუნდება აფხაზეთი და ცხივალი, რაც მედლებია, დაიკიდონ ზედ“ - განაცხადა პაატა დავითაიამ.