ბიუჯეტმა პარკირებიდან მეტი შემოსავლი უნდა მიიღოს

ბიუჯეტმა პარკირებიდან მეტი შემოსავლი უნდა მიიღოს - ნარმანია ბრალდებებს პასუხობს

პოლიტიკა - 18:41, 09 May, 2015

1222

სამართლიანობა უნდა აღდგეს და ქალაქის ბიუჯეტმა პარკირებიდან მეტი შემოსავალი უნდა მიიღოს - ამ განცხადებით უპაუხა თბილისის მერმა საქართველოს ტრანსპორტისა და გზების ასოციაცის თავმჯდომარის ბრალდებებს. დავით მესხიშვილმა აღნიშნა, რომ იგეგმება მძღოლების 70 ლარით მასიური დაჯარიმება.

,,ქალაქის ბიუჯეტის არასწორი განაწილება, რაც წინამორბედებმა მიიღეს ბიუჯეტის შემოსავლების, ეს სამართლიანობა უნდა აღდგეს და უფრო მეტი შემოსავალი უნდა მიიღოს პარკირებიდან. ტროტუარებზე პარკირება ეტაპობრივად უნდა შევზღუდოთ და ამას ვაკეთებთ კიდეც. სითი-პარკს კი არ უნდა ჰქონდეს პრეტენზია, როცა ბაზარზე გაჩნდება ალტერნატიული კომპანია, რომელიც ჩვენს მიერ გამოცხადებული კონკურსის საფუძველზე მრავალსართულიან პარკირების ადგილებს ააშენებს,“ - განცხადა დავით ნარმანიამ.

საქართველოს ტრანსპორტისა და გზების ასოციაციის ინფორმაციით, დღეს პარკინგის ერთ ადგილზე დაახლოებით 12 ავტომობილი მოდის. ამ ფონზე ტროტუარზე პარკირების შეზღუდვა და 70-ლარიანი ჯარიმის დაწესება, ორგანიზაციის განცხადებით, მძღოლების ხარჯზე ბიუჯეტის შევსების მცდელობაა.

,,თბილისში მოქმედებს 8 ევაკუატორი, რომელიც ახდენს ათეულობით ავტომობილის გადაყვანას დღე-ღამის განმავბლობაში, ხოლო უბრალოდ დაჯარიმების შემთხვევაში ათასობით მოქალაქის დაჯარიმება მოხდება, ვინაიდან ეს ტექნიკურად ადვილი შესასრულებელია. მძღოლების ხარჯზე ბიუჯეტში შევა მილიონობით ლარი,“ - განაცხადა ტრანსპორტის და გზების ასოციაციის თავმჯდომარემ, დავით მესხიშვილმა.