"რუსი ბაიკერები შემოსულნი არიან და პარკში სეირნობენ"- შს მინისტრის კომენტარი (ვიდეო)

პოლიტიკა - 14:19, 09 May, 2015

2448

საქართველოს შს მინისტრის განცხადებით ვაკის პარკში მისული ყველა სტუმარის უსაფრთხოება დაცულია, როგორც ვახტანგ გომელაური აცხადებს, ვაკის პარკში ქართველ ბაიკერებთან ერთად იმყოფებიან, რუსი ბაიკერები- ე,წ „ღამის მგლები“, თუმცა ისინი საოკუპაციო სიმბოლიკით არ გადაადგილდებიან.

„უსაფრთხოება დაცულია, რუსი ბაიკერები შემოსულნი არიან და პარკში სეირნობენ, არც ლენტები აქვთ და არც რუსული დროშები. ზუსტად ვისაც ეძახიან „ღამის მგლებზე“ არის თუ ვისზეც არის საუბარი, რომლებმაც გადმოკვეთეს საზღვარი ლარსიდან, ეს რამდენიმე ადამიანი არის ახლა პარკში, რამდენიმემ დატოვა საქართველოს ტერიტორია და გადავიდა სომხეთში. ვინც საქართველოშია მათ მოტოციკლეტები გაჩერებული ყავთ სხვაგან, ფეხით შემოვიდნენ და ჩვეულებრივად სეირნობენ“- განაცხადა გომელაურმა.

მინისტრის თქმით იმ შემთხვევაში თუ რუსი ბაიკერების გადაადგილება გეორგიევსკის ლენტებით და დროშებით მოხდებოდა , უწყება მათ საქართველოს ტერიტორიაზე არ შემოუშვებდა : „სპეცსამსახურებმა იმუშავეს, რომ არ შემოსულიყვნენ დროშებით და ზუსტად ამიტომ არიან უდროშოდ და ულენტებოდ“-განაცხადა შს მინისტრმა.