მთავრობას ვირჩევთ ჩვენ თუ რომის პაპს?- ირაკლი ღარიბაშვილი

პოლიტიკა - 09:49, 09 May, 2015

1894

მთავრობისთვის ნდობის გამოცხადებამდე ირაკლი ღარიბაშვილმა პარლამენტის წევრებს მადლობა გადაუხადა და აღნიშნა, რომ მისი სურვილი იყო, რომ საუბარი კონსტრუქციულ რეჟიმში წარმართულიყო, თუმცა ამის ილუზია და მოლოდინი არ ჰქონია. პრემიერის თქმით, მისთვის დიდი პატივია, რომ დღეს კოალიცია „ქართულ ოცნებას“ წარმოადგენს და საქართველოს პრემიერ-მინისტრია.

„ხალხი კითხულობს, მთავრობას ვირჩევთ ჩვენ თუ რომის პაპს? ჩემი სურვილი ნამდვილად იყო, რომ ჩვენი საუბარი წარმართულიყო კონსტრუქციულ რეჟიმში, მაგრამ ამის ილუზია და ამის მოლოდინი მე არ მქონია. მაგრამ მინდა გითხრათ, რომ ქართული სახელმწიფო კიდევ უფრო გაძლიერდა ამ ორი დღის განმავლობაში. ქართველმა ხალხმა უდიდესი ნდობა გამოუცხადა ბიძინა ივანიშვილის მთავრობას, კოალიცია „ქართულ ოცნებას“, რომლის წევრი მე შექმნის დღიდან ვიყავი. ეს ჩემთვის ძალიან დიდი პატივია, რომ დღეს მე წარმოვადგენ კოალიცია „ქართულ ოცნებას“ და მხვდა პატივი, რომ ვიყო საქართველოს პრემიერ-მინისტრი და ჩვენს ქვეყანას ვემსახურო. დღევანდელი დღე მნიშვნელოვანია ჩემთვის, რომ კიდევ ერთხელ ხდება ნდობის გამოცხადება ჩემდამი, მთავრობის წევრებისადმი და ეს ჩვენი გუნდისადმი ნდობის გამოცხადებაა“,- განაცხადა ღარიბაშვილმა.

87 მომხრე 38 წინააღმდეგი ამ შედეგით დასრულდა კენჭისყრა, საქართველოს პარლამენტმა მთავრობის განახლებულ შემადგენლობას, პრემიერ-მინისტრ ირაკლი ღარიბაშვილის მეთაურობით, ნდობა გამოუცხადა.