პრემიერი ევროკომისიის მიერ გამოქვეყნებულ ანგარიშს ეხმაურება და ამბობს,რომ ანგარიში პოზიტიურია.

მისი თქმით, ანგარიში ასახულია პროგრესი, რასაც ხელისუფლებამ მიაღწია.

„გამოქვეყნდა ვიზა ლიბერალიზაციის შეფასების ანგარიში, რომელიც არის უაღრესად პოზიტიური. გილოცავთ ყველას. ამ ანგარიშში არის რეალურად აღიარებული ის, რასაც ჩვენ მოველოდით. მასშტაბური რეფორმები, ეს არის პროგრესი, რისთვისაც ჩვენ ბოლო 6 თვე რეკორდულად მოკლე დროში ვიმუშავეთ", - განაცხადა ღარიბაშვილმა.

ევროკომისიის მიერ დღეს გამოქვეყნებული ანგარიშის მიხედვით, ,,სავიზო რეჟიმის ლიბერალიზაციის სამოქმედო გეგმის“ 15-დან შვიდი მოთხოვნა საქართველომ მთლიანად დააკმაყოფილა, ხოლო 8 ნიშნული ჯერ ბოლომდე არაა შესრულებული.