„მრეწველების“ ლიდერის გოგი თოფაძის ინფორმაციით, გარემოს დაცვის ყოფილმა მინისტრმა ელგუჯა ხოკრიშვილმა ხელი მოაწერა ხელშეკრულებას, რომლის თანახმად საქართველოში გენმოდიფიცირებული პროდუქტი შემოიტანეს.

თოფაძემ კითხვით მიმართა პრემიერს, იყო თუ არა ხელისუფლება ამ საკითხზე საქმის კურსში.

„გარემოს დაცვის ყოფილმა მინისტრმა თავის მინისტრობის უკანასკნელ დღეს ხელი მოაწერა ბრძანებას, რომ საქართველოში გენმოდიფიცირებული პროდუქტი შემოიტანონ. ყველაზე მდიდარი პიროვნება ბილ გეითსი, თავისი ზეწოლით და მეთოდებით ყველა ქვეყანაში ნერგავს ამ დამღუპველ ინიციატივას. თუმცა ელგუჯა ხოკრიშვილი არ იყო ისეთი ადამიანი, რომ ასეთი რამ თავის თავზე აეღო. მაინტერესებს იყო თუ არა ეს საქართველოს ხელისუფლებასთან შეთანხმებული“, - მიმართა თოფაძემ პრემიერს.