ფინანსთა სამინისტროს აკადემიაში სტუდენტებისთვის ღია ლექციების ციკლი დაიწყო

პოლიტიკა - 16:28, 08 May, 2015

1188

ფინანსთა სამინისტროს აკადემიაში, აკადემიისა და ამერიკის შეერთებული შტატების საერთაშორისო განვითარების სააგენტოს(USAID) პროექტის „მმართველობა განვითარებისათვის“ (G4G) ორგანიზებით, დაიწყო ღია ლექციების ციკლი სტუდენტებისთვის.

მიმდინარე კვირას სტუდენტებისთვის ჩატარდა ღია ლექცია თემაზე: “გზა წარმატებული ცხოვრებისაკენ“.

შეხვედრაზე სტუდენტებს საკუთარი გამოცდილებისა და წარმატების ისტორია გაუზიარეს: ფინანსთა სამინისტროს აკადემიის დირექტორმა თამარ ჯაფარიძემ, პროექტის ხელმძღვანელის მოადგილემ ნატო ბერუაშვილმა და ასევე მოწვეულმა სპიკერებმა და წარმატებულმა ქალბატონებმა: თათია ტურაშვილმა (ბიზნეს ტრენერი და ფსიქოლოგი), მანანა მანჯგალაძემ (საქართველოს ინდუსტრიული ჯგუფის საზოგადოებასთან ურთიერთობის სამსახურის უფროსი), ანა მიქაძემ -(საქართველოს ყველის მწარმოებელთა გილდიის თავმჯდომარე) და მარინა კურტანიძემ ( ღვინის კომპანია მანდილის დამფუძნებელი)

სტუმრებმა სუტდენტებთან ერთად ისაუბრეს და განიხილეს ისეთ თემები როგორიცაა:

✔ წარმატებული კარიერის 7 ნაბიჯი,

✔ არის თუ არა შესაძლებელი იყო წარმატებული პროფესიასა და პირად ცხოვრებაში,

✔ როლური კონფლიქტი -კარგი დედა თუ კარგი მენეჯერი,

✔ თვისებები, რომელიც ხელს გვიშლის წარმატების მისაღწევად,

✔ ქალი და პროფესია,

✔ წარმატების მიღწევის მნიშვნელოვანი ასპექტები.

მსგავს პროექტებს აკადემია სისტემატიურად განახორციელებს და მოიცავს სხვადასხვა აქტუალურ თემას. ყველა დაინტერესებულ სტუდენტს ექნება საშუალება დაესწროს აღნიშნულ ლექციებს და მიიღოს აქტიური მონაწილეობა.