"ენმ"-ის წევრები კონსერვატიული პარტიის მიწვევით დიდ ბრიტანეთში იმყოფებოდენ

პოლიტიკა - 13:31, 08 May, 2015

1105

„ერთიანი ნაციონალური მორაობის“ წევრები ხათუნა გოგორიშვილი, ლევან თარხნიშვილი და ნიკა მელია კონსერვატიული პარტიის მიწვევით დიდ ბრიტანეთში იმყოფებოდნენ. ენმ-ის დელეგაციის ვიზიტის მიზანი იყო ეწარმოებინა დაკვირვება 2015 წლის საპარლამენტო არჩევნებზე და გაცნობოდა კონსერვატორების მიერ წინასაარჩევნო კამპანიის ჩატარების ტექნოლოგიას.

ვიზიტის ფარგლებში ენმ-ის დელეგაცია ესტუმრა კონსერვატორების ცენტრალურ ოფისს ლონდონში, მიიღო მონაწილეობა უიდფორდის საარჩევნო შტაბის მუშაობაში და დააკვირდა არჩევნების და ხმის დათვლის პროცესს. ქართველი პარლამენტარები შეხვდნენ თავის ბრიტანელ კოლეგებს, მათ შორის კონსერვატიული პარტიის თავჯდომარის მოადგილეს რიჩარდ ჰარინგტონს. ვიზიტის ფარგლებში გაიმართა შეხვედრა ლონდონის მოქმედ მერთან და პარლამენტის წევრთან ბორის ჯონსონთან. შეხვედრების დროს დაიგეგმა ორი პარტიის მომავალი თანამშრომლობის გეგმა და კონკრეტული ღონისძიებები.

ენმ-ის წევრებმა გააცნეს ბრიტანელ პარლამენტარებს საქართველოში არსებული პოლიტიკური მდგომარეობა და მადლობა გადაუხადეს მათ საქართველოსთვის გამოცხადებული მხარდაჭერისთვის, ისეთ საკითხებში როგორიცაა დემოკრატიის განვითარება, ოკუპირებული ტერიტორიების არაღიარების პოლიტიკა და ევრო-ატლანტიკურ სტრუქტურებში საქართველოს ინტეგრაცია.