არ არის იმის საფუძველი, რომ მთავრობას ნდობა არ გამოვუცხადოთ

არ არის იმის საფუძველი, რომ მთავრობას ნდობა არ გამოვუცხადოთ - კორძაია

პოლიტიკა - 11:59, 08 May, 2015

1161

ფრაქცია „ქართული ოცნების“ წევრი - თამარ კორძაია, მინისტრთა ახალი კაბინეტის ნდობის გამოცხადების საკითხთან დაკავშრებით კომეტარს აკეთებს და მიჩნევს, რომ არ არსებობს საფუძველი ნდობის არ გამოსაცხადებლად. მისი თვალსაზრისით, ევროინტეგრაციის კუთხით განვითარებას თინა ხიდაშელზე უკეთ, ვერავინ წარუძღვება.

„როდესაც, ვსაუბრობთ, რომ ევროინტეგრაცია გვინდა, ჩვენი წვლილი უნდა შევიტანოთ ჩრდილოატლანტიკურ გაერთიანებაში და ამ საქმეს თინა ხიდაშელზე მეტად ვერავინ წარუძღვება.

ქვეყანაში ეკონომიკის სფეროში, სერიოზული პრობლემები არსებობს, მაგრამ იმის საფუძველი არ არის, რომ მთავრობას ნდობა არ გამოვუცხადოთ. მთავარია, მთავრობამ დაიწყოს კიდევ უფრო აქტიური მოქმედებები იმისათვის, რომ ეკონომიკური მდგომარეობა გაჯანსაღდეს. იმას ვაცნობიერებთ, რომ სიტუცია ისეთი არ არის, როგორიც გვინდა და პრობლემებზე ვმუშაობთ“ - განაცხადა კორძაიამ.

შეგახსენებთ, რომ დღეს პარლამენტში, რიგგარეშე სხდომაზე, მინისტრთა განახლებული კაბინეტის ნდობის საკითხზე იმსჯელებენ. უმრავლესობის წარმომადგენლები ვერანაირ საფუძველს ვერ ხედავენ ნდობის არ გამოსაცხადებლად, უმცირესობა კი მინისტრთა ახალი კაბინეტის შემადგენლობით უკმაყოფილოა.