ჩვენ ვგმობთ ასეთ ქმედებებს - ციხელაშვილი სამხრეთ ოსეთის გადაწყვეტილებას ეხმაურება

პოლიტიკა - 10:32, 08 May, 2015

1367

შერიგებისა და სამოქალაქო თანასწორობის საკითხებში, სახელწიფო მინისტრის პირველი მოადგილე - ქეთევან ციხელაშვილი, ოკუპირებული სამხრეთ ოსეთის თვითგამოცხადებული მთავრობის მიერ დაგეგმილ, საზღვრის ჩაკეტვის ფაქტს ეხმაურება. მინისტრის მოადგილის განმარტებით, ეს არ არის პირველი შემთხვევა, როდესაც გარკვეულ თარიღებთან დაკავშრებით ე.წ გამშვებ პუნკტებს კეტავენ, თუმცა ქმედება სრულიად მიუღებელია.

„სამწუხაროდ ეს არ არის პირველი ფაქტი, როდესაც გარკვეულ თარიღებთან დაკავშირებით კეტავენ ე.წ. გამშვებ პუნქტებს. ისედაც შეზღუდულია გადაადგილების თავისუფლება და ცხადია ეს არის დამატებითი და ყოვლად მიუღებელი შეზღუდვა. ჩვენ ვგმობთ ასეთ ქმედებებს და მიგვაჩნია, რომ არის სრულიად მიუღებელი,“ - აცხადებს ქეთევან ციხელაშვილი.

შეგახსენებთ, ოკუპირებული სამხრეთ ოსეთის თვითგამოცხადებული მთავრობის გადაწყვეტილებით, მეორე მსოფლიო ომის 70 წლისთავის იუბილესთან დაკავშირებით, 8,9 და 10 მაისს საქართველოსთან ე.წ საზღვარი დაიკეტება, ამის შესახებ ინფორმაციას სააგენტო Рес-ი ავრცელებს. დე ფაქტო მთავრობა ე.წ საზღვრის დაკეტვის მიზეზად , უსაფრთხოების ზომების გაძლიერებას ასახელებს.

ე.წ საზღვარი 11 მაისს გაიხსნება და ე.წ. სამხრეთ ოსეთის მოქალაქეებს მოძრაობა ჩვეული რეჟიმით შეეძლებათ.