პრემიერის ინფორმაციით, მიხეილ სააკაშვილის და ბარაკ ობამას შეხვედრამდე ხელისუფლება ამერიკულ მხარეს „ევაჭრებოდა“.

როგორც ირაკლი ღარიბაშვილმა პარლამენტში უმცირესობის სხდომაზე განაცხადა, ამ შეხვედრის სანაცვლოდ საქართველომ რუსეთის მსოფლიო სავაჭრო ორგანიზაციაში გაწევრიანებას მხარი დაუჭირა.

„თქვენი ყოფილი პრეზიდენტი როცა აშშ-ში იყო ჩასული და შევახსენებ საზოგადოებას თუ რის სანაცვლოდ მოხდა ობამასთან შეხვედრა. მიმდინარეობდა ვაჭრობა თქვენი ხელისუფლების მხრიდან, რომ მომხდარიყო მიხეილ სააკაშვილის შეხვედრა ობამასთან და ამის სანაცვლოდ საქართველო რუსეთის გაწევრიანებას მსოფლიოს სავაჭრო ორგანიზაციაში მხარს დაუჭერდა. ეს ხართ თქვენ. პირადი შეხვედრის სანაცვლოდ თქვენ ასეთი შანსი გაუშვით ხელიდან“, - განაცხადა ღარიბაშვილმა.