შინაგან საქმეთა მინისტრი ვახტანგ გომელაური სიცრუეს უწოდებს ირმა ნადირაშვილის მიერ გავრცელებულ ინფორმაციას, რომ ანტიკორიუფციული დეპარტამენტის დირექტორის ხუტა პაჭკორიას თანამდებობიდან გათავისუფლება ნარკოტიკების გამო მოხდა.

„არასწორი ინფორმაცია გაქვთ. არანაირი ნარკოტიკების შემოტანას არ მფარველობდა ხუტა პაჭკორია. ეს ადამიანი გათავისუფლა თანამდებობიდან. ის იყო კადრების განყოფილებაში გადაყვანილი და ამის შემდეგ აეროპორტში, უსაფრთხოების სამსახურში დანიშნული. რაც შეეხება კითხვას, რატომ მოხსნეს? - რა აუცილებელია ყველაფერი ვთქვათ“, - განაცხადა გომელაურმა.

ირმა ნადირაშვილის ინფორმაციით, სარფში დააკავეს პირი ვინც თქვა, რომ ნარკოტიკი პაჭკორიასთვის შემოჰქონდა, რაც მისი გათავისუფლების მიზეზი გახდა.