რამდენიმე კომიტეტის გაერთიანებული სხდომა, სადაც ძალოვანი უწყების მინისტრებს უსმენენ, უმცირესობამ პროტესტის ნიშნად დატოვა.

დეპუტატებმა ის ფაქტი გააპროტესტეს, რომ მათ კითხვა ლიმიტირებულ დროის მონაკვეთში, ერთი წუთის განმავლობაში უნდა დაესვათ. გიორგი ვაშაძის თქმით, ამ დროის განმავლობაში დეპუტატები სათანადო შეკითხვის დასმას ვერ მოასწრებდნენ. სხდომაზე უმრავლესობის და უმცირესობის წევრებს შორის შელაპარაკებაც მოხდა.

„ერთ წუთში ვერ ჩავეტევით. პარლამენტის წევრები არ არიან მსმენელები. ჩვენ შესაძლებლობა უნდა გვქონდეს მინისტრებს კონკრეტული შეკითხვები დავუსვათ. ეს სრული დაცინვაა“, - განაცხადა ვაშაძემ.

შეგახსენებთ, რამდენიმე კომიტეტის გაერთიანებულ სხდომაზე ძალოვანი უწყების მინისტრებს უსმენენ.