ვითანამშრომლებთ საღი გონების ადამიანებთან „ოცნებიდან“ და „ნაციონალური მოძრაობიდან“- ალასანია

პოლიტიკა - 12:44, 07 May, 2015

2032

„თავისუფალი დემოკრატების“ ლიდერმა გამოცემა Мир и политика-სთან ინტერვიუში სამომავლო გეგმებზე და მომავალ პარლამენტში პოლიტიკური ძალების სავარაუდო კონფიგურაციაზე ისაუბრა.

ალასანიას აზრით მისი პარტია მომავალ არჩევნებში გამარჯვებას და ხელისუფლების ფორმირებას შეძლებს, მისი თქმით „თავისუფალი დემოკრატები“ მომავალ საპარლამ არჩევნებში მონაწილეობას დამოუკიდებლად მიიღებენ, თუმცა ალასანია სხვა პარტიებთან თანამშრომლობას არ გამორიცხავს:

„ჩვენ არჩევნებში მონაწილეობას დამოუკიდებლად მივიღებთ, მაგრამ მომავალში ჩვენ შეგვიძლია ვითანამშრომლოთ საღი გონების ადამიანებთან როგორც „ქართული ოცნებიდან“ და „ნაციონალური მოძრაობიდან“ ასევე სხვა პოლიტიკური ძალების წარმომადგენლებთან. რატომ მჯერა ჩვენი წარმატების? ქართველი ამომრჩევლის დაახლოებით 40 პროცენტს ჯერ ვერ გადაუწყვიტავს თუ ვის უნდა მისცეს ხმა, ეს სეგმენტი ელოდება ივანიშვილის და სააკაშვილის ალტერნატივას. საზოგადოებისთვის მიუღებელია ორივე მათგანის მმართვის სტილი. ჩვენ კი სწორედ ეს ალტერნატივა ვართ. აუცილებელია შემოვიღოთ ახალი პოლიტიკური კულტურა. ჩვენ შეგვიძლია ხელისუფლებაში გავაერთიანოთ ყველა პროგრესული პროდასავლური ძალა“- განაცხადა ირაკლი ალასანიამ.

„თავისუფალი დემოკრატების“ ლიდერმა კომენტარი პარლამენტში პრორუსი ძალების მოხვედრაზეც გააკეთა და აღნიშნა, რომ ამის შანსები ნაკლებია, მისი თქმით რუსეთთან ურთიერთობის დალაგების სურვილი საქართველოში არსებულ ყველა სერიოზულ პოლიტიკურ ძალას აქვს, თუმცა ძალები, რომლებიც საქართვცელოს ევრაზიულ კავშირში გაწევრიანებას უჭერენ მხარს მარგინალიზირებულნი არიან.

„საქართველოს სახელმწიფოს მთლიანად და სერიოზული პოლიტიკურ ძალებს რუსეთთან ურთიერთობის მოგვარების სურვილი აქვთ. ჩვენ გვსურს თანაბარუფლებიანი და კეთილმეზობლური ურთიერთობები. მაგრამ ლაპარაკი ევრაზიულ კავშიში და მსგავს საბჭოთა სტილის ორგანიზაციებში გაწევრიანებაზე- არცერთ ძალას საარჩევნოსარგებელს არ მოუტანს და ასეთი ძალა მარგინალურად ჩაითვლება“- აღნიშნა ალასანიამ.

_{ნინო ზედგენიძე}