მხარს ვერ დავუჭერთ მთავრობას, რომელიც არაფორმალურ მართვას ეგუება

მხარს ვერ დავუჭერთ მთავრობას, რომელიც არაფორმალურ მართვას ეგუება - შავგულიძე

პოლიტიკა - 12:10, 07 May, 2015

1076

„თავისუფალი დემოკრატები“ მთავრობის განახლებულ შემადგენლობას მხარს არ დაუჭერენ. დეპუტატ შალვა შავგულიძის თქმით, „თავიუფალი დემოკრატები“ ვერ გამოუცხადებენ ნდობას მთავრობას, რომელსაც არ აქვს უნარი უპასუხოს პრობლემებს და არაფორმალურ მართვას ეგუება.

"შეხვედრისას დაისმება ყველა აქტუალური კითხვა. პირველ რიგში ეს შეეხება ეკონომიკის კატასტროფულ მდგომარეობას, თუ რაში ხედავს მთავრობა გამოსავალს. კითხვები იქნება იმაზეც, თუ რა კეთდება სამართლიანობის აღდგენის კუთხით, რა გაკეთდა და რას გეგმავენ მომავალში. ჩვენ ვერ დავუჭერთ მხარს მთავრობას, რომელმაც გამოავლინა, რომ არ აქვს უნარი უპასუხოს პრობლემებს და მოახდინოს ადეკვატური რეაგირება. მხარს ვერ დავუჭერთ მთავრობას, რომელიც არაფორმალურ მართვას ეგუება, ეს იმას ნიშნავს, რომ მთავრობა პასუხისმგებლობას იხსნის და უპასუხისმგებლო მთავრობა ვერ შეძლებს ქვეყნის წარმატებულ მართვას“, - განაცხადა შალვა შავგულიძემ.

შეგახსენებთ, რომ "თავისუფალი დემოკრატები" მთავრობის განახლებულ შემადგენლობას დღეს კომიტეტების გარდა, ფრაქციის ფორმატშიც მიუსმენენ.