სერგეენკო საყოველთაო დაზღვევის წინააღმდეგ მიზანმიმართულ კამპანიაზე საუბრობს

პოლიტიკა - 19:32, 06 May, 2015

1777

ჯანდაცვის მინისტრის დავით სერგეენკოს თქმით, ფინანსური პრობლემებისა და დაგვიანებული ხელფასების შესახებ ბოლო პერიოდში კლინიკების მხრიდან გაკეთებული განცხადებები გაუგებარია, რადგან საყოველთაო დაზღვევით გათვალისწინებული თანხები ყველა კლინიკაში დროულად ირიცხება და თუკი ის ექიმებამდე არ აღწევს ეს შესაძლოა კლინიკების მენეჯმენტის პრობლემა იყოს. ამასთანავე მინისტრი ეჭვს გამოთქვამს , რომ საყოველთაო დაზღვევის დისკრედიტაციის მიზნით მიზანმიმართული კამპანია მიმდინარეობს:

"ჩვენ არ ვურიცხავთ ხელფასებს, ჩვენ ვრიცხავთ თანხებს და შემიძლია გითხრათ, რომ ერთი დღეც არ ყოფილა დაგვიანება და თუ პრობლემები არსებობს, ეს შეიძლება მენეჯმენტის ბრალი იყოს, ექიმების განცხადებები, რომ ისინი ვერ იღებენ ხელფასს, კლინიკები ჩივიან, რომ თანხის გადარიცხვა გვიანდება, არც ერთი ასეთი ფაქტი არ დასტურდება, თანხების გადარიცხვა ხდება დროულად და ამიტომ ასეთი ტენდენციის გაჩენა არის ჩემთვის გაუგებარი. ვფიქრობ, რომ მიზანმიმართული კამპანიაა, რომლის ამოცანაც არის საყოველთაო დაზღვევის დისკრედიტაცია," - განაცხადა დავით სერგეენკომ "რუსთავი 2-ის" პირდაპირ ეთერში.