საქართველოს პრეზიდენტი უარყოფს რაიმე პოლიტიკური წინააღმდეგობის არსებობას, თინა ხიდაშელის კანდიდატურასთან დაკავშირებით და აცხადებს, რომ თავდაცვის უწყებას მეტი სტაბილურობა სჭირდება და სამინისტროს ხელმძღვანელები ასე სწრაფად არ უნდა იცვლებოდნენ:

ამის შესახებ მარგველაშვილმა დუშეთში ჟურნალისტებთან საუბრისას განაცხადა.

მისი თქმით, ის ყოველთვის მზად არის შეხვდეს თინა ხიდაშელს.

„კონსტიტუცია არანაირად არ გულისხმობს არცერთი მინისტრის საკითხზე პრეზიდენტთან კონსულტაციას, თუმცა მიმაჩნია, რომ კონსულტაცია საერთოდ დადებითი პროცესია. თავდაცვის მინისტრთან დაკავშირებით, მე ხაზგასმით ვთქვი, რომ ასე ხშირად თავდაცვის მინისტრები არ უნდა იცვლებოდნენ. მე ალასანიას შეცვლაზეც ნეგატიური რეაქცია მქონდა, ამ შემთხვევაშიც მირჩევნია იყოს მეტი სტაბილურობა. აქ არ არის არანაირი პოლიტიკური თემა, აქ არის საკითხი, რომელიც უკავშირდება ქართულ არმიას რამდენიმე საათში უცებ არ უნდა გავიგოთ, რომ იცვლება თავდაცვის მინისტრი. ასე იყო ალასანიაზე ასე იყო ჯანელიძეზეც. თინა ხიდაშელს შევხვდები ყოველთვის აბსოლუტურად დიდი გახსნილობით , იქნება ის თავდაცვის მინიტრი თუ იქნება ის დეპუტატი. ეს ურთიერთობა მანამდეც იყო და გრძელდება და გაგრძელდება.“- გაცხადა გიორგი მარგველაშვილმა.