პრემიერის განცხადებით, EBRD-ის ღონისძიების ფარგლებში საინვესტიციო საბჭო შეიქმნება.

ამის შესახებ ირაკლი ღარიბაშვილმა ჟურნალისტებთან საუბრისას განაცხადა.

მისი თქმით, ღონისძიებისთვის მოსამზადებელი სამუშაოები თითქმის დასრულებულია და საქართველო სტუმრებს ისე დახვდება, როგორც შეეფერება.

„მოხარულები ვართ, რომ ეს ღონისძიება ჩვენი ხელისუფლების პირობებში ტარდება. ეს ჩვენი ქვეყნისადმინ ნდობის გამოცხადებაა. სამუშაოები თითქმის დასრულებულია და საქართველო კვირისთვის იქნება მზად, რომ EBRD-ის სტუმრებს ისე უმასპინძლებს, როგორც ეს შეეფერება. ღონისძიების დროს საქართველოში 2000-მდე სტუმარი ჩამოვა, რომელთა შორის ასობით ბიზნესმენი იქნება. ეს არის ძალიან კარგი ბიზნესშესაძლებლობა ქართული ბიზნესსექტორის წარმომადგენლებისა და ზოგადად, ჩვენი ქვეყნისთვის. EBRD-ის ღონისძიების ფარგლებში, მთავრობა საინვესტიციო საბჭოს შექმნას აპირებს“, - განაცხადა პრემიერმა.