სრულიად საქართველოს კათოლიკოს-პატრიარქმა, უწმუნდესმა და უნეტარესმა ილია მეორემ გიორგობის დღესასწაულთან დაკავშირებით ქაშუეთის ტაძარში ლოცვა აღავლინა.

მან დღესასწაული მიულოცა სრულიად საქართველოს, განსაკუთრებით კი ქვეყნის პრეზიდენტს და ყველა გიორგის.

„განსაკუთრებით ვულოცავ გიორგობას ჩვენს პრეზიდენტს, რომელიც ატარებს გიორგის სახელს. ვულოცავ ასევე მთავრობას, მღვდელმთავრებს და ყველა ადამიანს, რომელიც გიორგის სახელს ატარებს“, - ბრძანა პატრიარქმა.

მართლმადიდებელი ეკლესია დღეს, 6 მაისს წმინდა დიდმოწამე გიორგის აღსრულების დღეს აღნიშნავს. წმინდა, საკვირველთმოქმედი და ძლევაშემოსილი გიორგი ქართველი ერის მფარველად მიიჩნევა და საქართველოში განსაკუთრებულად უყვართ.