"ეს ნორმალური და დემოკრატიული წესია"- როდის წარადგენს პრეზიდენტი მთავრობას ჯერ უცნობია

პოლიტიკა - 12:59, 06 May, 2015

1317

მთავრობის თხოვნის საპასუხოდ, ვადაზე ადრე წარადგინოს პარლამენტში მინისტრთა კაბინეტის განახლებული შემადგენლობა, საქართველოს პრეზიდენტმა გიორგი მარგველაშილმა განცხადება გააკეთა. მისი განმარტებით, მთავრობისა და პარლამენტის ხელშესაწყობად, ინტენსიური მუშაობა მიმდინარეობს. პარლამენტში მინისტრთა კაბინეტის წარდგენის გადადების პროცესიც სწორედ ამის გამო მოხდა.
"ჩვენ ვმუშაობთ ამაზე. თქვენ იცით, რომ ჩემი მთავარი მოტივაცია იყო, გამართულიყო მშვიდ გარემოში კონსულტაციები. მე კმაყოფილი ვარ, რომ ჩვენ ამას მივაღწიეთ. ვნახეთ, რომ გაიმართა უმრავლესობის პოლიტსაბჭოს სხდომა, როგორც წესი იყო, ასევე შედგა განხილევები დეპუტატების მიერ, ეს ნორმალური და დემოკრატიული წესია, რომელისკენაც ჩვენ უნდა ვისწრაფოდეთ. დარწმუნებული ვარ, რომ ამ პროცესმა მოიტანა პოზიტიური შედეგი. ვმუშაობთ იმასთან დაკავშირებით, რომ რაც შეიძლება ხელი შევუწყოთ პარლამენტს და მთავრობას მუშაობაში, ჩემს მიერ პარლამენტში და მთავრობის წარდგენის გადადებაც ამ პროცესის ხელის შეწყობა იყო" -განაცხადა საქართველოს პრეზიდენტმა დუშეთში, ჟურნალისტებთან საუბრისას.
შეგახსენებთ, რომ პარლამენტში მინისტრთა ახალი კაბინეტის წარდგენის ბოლო ვადა 8 მაისია, მთავრობის ადმინისტრაციამ კი, პრეზიდენტს ამ პროცესის დაჩქარების თხონით მიმართა.

რუსუდან ქიმერიძე