„თავისუფალი დემოკრატების“ ლიდერი ირაკლი ალასანია საზოგადოებას გიორგობას ულოცავს. სოციალურ ქსელში ის მამის ფოტოს აქვეყნებს, რომელსაც შემდეგი შინაარსის პოსტს ურთავს:

„დღეს, 6 მაისს, გიორგობას, არის მამაჩემის, მამია ალასანიას დაბადების დღე. 1993 წელს ჭუბერის გზით ჩემთან ერთად არ წამოვიდა, დარჩა სოხუმის ერთერთ უკანასკნელ მცველად. ბევრი წლის მერე, გადმოსვენების შესაძლებლობა რომ გაჩნდა, ვიგრძენი, ხელი არ უნდა მეხლო. ის ჯერ კიდევ იქ უნდა იყოს ოკუპირებული ქალაქის მცველად. დღე არ გასულა, რომ მისგან გამხნევება და სიმტკიცე არ მეგრძნო. მეამაყება რომ მისი სისხლი და ხორცი ვარ. გიორგობას ვულოცავ სამშობლოს ყველა მცველის ოჯახებს და მთელ საქართველოს“, - წერს ალასანია.