საქართველოს დღეს ევროპის საბჭოს საპარლამენტო ასამბლეის პრეზიდენტი ეწვევა.

ან ბრასორი საგარეო საქმეთა მინისტრს თამარ ბერუჩაშვილს შეხვდება. შეხვედრაზე განიხილება საქართველოსა და ევროპის საბჭოს საპარლამენტო ასამბლეის თანამშრომლობის საკითხები, ასევე იმსჯელებენ ევროპის საბჭოს წინაშე საქართველოს მიერ აღებულ ვალდებულებებზე, ოკუპირებულ ტერიტორიებზე არსებულ მდგომარეობაზე. მათ შორის ოკუპირებული აფხაზეთსა და ცხინვალის რეგიონში ადამიანის უფლებების დარღვევის ფაქტებზე.

დაგეგმილია ბრასორის შეხვედრა პრეზიდენტთან, პრემიერთან, პარლამენტის თავმჯდომარესთან და უზენაესი სასამართლოს თავმჯდომარესთან.