სოციალურ ნიადაგზე ხაშურის რაიონში თვითმკვლელობების რიცხვმა იმატა

პოლიტიკა - 23:46, 05 May, 2015

1232

რას ფიქრობს ხალხი ხელისუფლებაზე - ,,რუსთავი 2“-ის გადაცემა ,,არჩევანი“ განსხვავებული ეთერით გავიდა. ტელეკომპანიის ჟურნალისტები საქართველოს რეგიონებს ესტუმრენ და მთავრობის მუშაობასთან დაკავშირებით მოსახლეობის აზრი გამოიკითხეს.

მაია ასათიანი ხაშურს ესტუმრა. ხაშურელები ქართულ ოცნებისგან წინასაარჩევნო დაპირებების შესრულებას ითხოვენ.

ადგილობრივები საკუთარ მაჟორიტარ დეპუტატის უყურადღებობაზეც საუბრობენ და ხელისუფლების გადადგომაში ხედავენ გამოსავალს. ,,გაზი არ მაქვს, არავინ მეხმარება, პატარა შვილიშვილები მყავს და არავინ მეხმარება, რომ გაზი მაინც მქონდეს... ხმა მივეცი ამათ, იმედი მქონდა რომ დაგევხმარებოდნენ მაგრამ ეს ხალხი ჩვენსკენ არ იხდება“ - ჰყვება ატირებული ხაშურელი ქალბატონი.

ხაშურის მოსახლეობა ჰყვება, რომ ბოლო თვეების განმავლობაში, სოციალურ ნიადაგზე ხაშურის რაიონში თვითმკვლელობების რიცხვმა იმატა. ქალბატონი ამბობს, რომ მისმა ძმამ 40 დღის წინ თავი მოიკლა, რადგან შვილისთვის საყიდელი ფული არ ჰქონდა. ,,როგორც კი დავინახე მივხვდი რომ არაფერს გააკეთედნენ... მე მაგათთვის ხმა არ მიმიცია... თვითმკველობებია ძალიან ბევრი... შოკუნიებიაო იძახიან... ღმერთი დასჯით მაგათ...“

,,სააკაშვილი უფრო რისკიანი იყო... სააკაშვილი გვინდა ისევ რომ მოვიდეს... უფრო უარესად წავიდა საქმე, მაშინ კეთესად ვიყავით, მეგონა ივანიშილი ფულიანი კაცია და მხიედავსთქო, მაგრამ არ წავიდა ეგრე საქმე... გამოსავალს ვერ ვხედავთ... ახლა თუ კიდევ დენი და გაზი გააძვირეს, ხალხი რა დღეში ჩავარდება? თუ ომი იქნება, ყველა მზად ვართ დავიცვათ ქვეყანა, ჩემი საქართველო. ეს იმას კი არ ნიშნავს, მე მტერი მოვიგერიო და მერე სული გაგვიმწარონ... მშივერები ვართ, ის მთავრობა ჯობდა... არავითარი სამსახური არ არის... გუშინ წინ ქალმა თავი მოიკლა, წამლის ფული რომ არ ჰქონდა... ხალხი იხოცება იმისთვის, რომ ვალები აქვთ...“ - აცხადებენ ხაშურელები.

გადაცემა პროფილის წამყვანი ხაშურში ჩასვლამდე წეროვანში ჩასვლას გეგმავდა. თუმცა, როგორც თავად ამბობს, რუსთავი2-ის ანონსის ეთერში გასვლის შემდეგ წეროვანის მოსახლეობამ საკუთარ პრობლემებზე ღიად საუბარზე უარი თქვა.

„ჩვენ დაგვრჩა შთაბეჭდილება, რომ მათ უბრალოდ ეშინოდათ,“ - განაცხადა მაია ასათიანმა.