,,ხადური დაგვცინი, შოკუნიოებიო... ბარემ გაზი გაუშვან და დაგვხოცონ“

,,ხადური დაგვცინი, შოკუნიოებიო... ბარემ გაზი გაუშვან და დაგვხოცონ“ - რას ამბობენ თბილისელები

პოლიტიკა - 23:28, 05 May, 2015

1888

რას ფიქრობს ხალხი ხელისუფლებაზე - ,,რუსთავი 2“-ის გადაცემა ,,არჩევანი“ განსხვავებული ეთერით გავიდა. რას ფიქრობს თბილისი მთავრობის მუშაობაზე. თბილისელებს ნანუკა ჟორჟოლიანი ესაუბრა.

"ხადური დაგვცინის, შოკუნიებიო, ამბობს და ბარემ გაზი გაუშვან და დაგვხოცონ..." - ამბობს ერთ-ერთი თბილისელი.

მოქალაქეების ძირითად პრობლემა ლარის გაუფასურებაა. თბილისელები წინასაარჩევო დაპირებებსაც იხსენებენ და ამბობენ, რომ ისინი ბიძინა ივანიშვილმა მოატყუა.

"ბოლოსდაბოლოს ვინმე მიხედავს ქვეყანას? წელიწადზე მეტია, ქვეყანა უკან მიდის," - აცხადებს ბაზრის მოვაჭრე.

რუსთავი2-ის გადამღებ ჯგუფთან ქართული ოცნების ყოფილი მხარდამჭერიც საუბრობდა, რომელმაც ირაკლი ღარიბაშვილს მიმართა - "ირაკლი, მე მინდოდა, თქვენ ყოფილიყავით ხელისუფლებაში, მაგრამ ეს რა ქენით?"

,,იმ მთავრობის დროს დასაქმებული მაინც იყვნენ... რის მაქნისია მთავრობა, თუ ჩენნაირი ხალხისთვის არ იზრუნებს... საჩხერელი ვარ, როგორ ვთქვა ცუდი, მაგრამ არ შეიძლება ასე ხალხთან მოქცევა...

იმან გაგვაბრიყვა, რომ ივანიშვილს მილიადრები ჰქონდა და ავირჩიეთ... თავისი სიძუნწით იშოვა მაგან მილიარდები... წავიდეს თავისი ამალით და მოვიდეს ვინმე უკეთესი...“ - ასე ფიქრობენ თბილისის ბაზარში მოვაჭრეები.